ମେନକା ବାଚସ୍ପତି ଓ ଭତ୍ତୃହରି ହୋଇପାରନ୍ତି ଉପବାଚସ୍ପତି

0
83

ନୂଆଦିଲ୍ଲୀ : ଲୋକସଭା ବାଚସ୍ପତି ପଦ ପାଇଁ ବିଜେପିର ଶୀର୍ଷ ନେତୃତ୍ୱ ଦଳୀୟ ବରିଷ୍ଠ ନେତାଙ୍କ ନାମ ଉପରେ ମନ୍ଥନ କରୁଥିବାବେଳେ ଏହି ପଦ ଦୌଡ଼ରେ ପୂର୍ବତନ କେନ୍ଦ୍ର ମନ୍ତ୍ରୀ ମେନକା ଗାନ୍ଧୀ, ରାଧାମୋହନ ସିଂହ ଏବଂ ବୀରେନ୍ଦ୍ର କୁମାରଙ୍କ ସମେତ ଅନ୍ୟ କେତେକ ବରିଷ୍ଠ ନେତା ଅଛନ୍ତି।
ଦଳୀୟ ସୂତ୍ରରୁ ମିଳିଥିବା ସୂଚନା ଅନୁସାରେ ସମ୍ଭାବ୍ୟ ପ୍ରାର୍ଥୀଙ୍କ ମଧ୍ୟରେ ପୂର୍ବତନ କେନ୍ଦ୍ର ମନ୍ତ୍ରୀ ଜୁଏଲ ଓରାମ ଏବଂ ଏସ୍‍ଏସ୍‍ ଆଲୁୱାଲିଆ ମଧ୍ୟ ଅଛନ୍ତି। ୮ ଥରର ସାଂସଦ ମେନକା ଗାନ୍ଧୀ ବିଜେପିର ସବୁଠୁ ଅଭିଜ୍ଞ ଲୋକସଭା ସଦସ୍ୟ ଓ ବାଚସ୍ପତି ପଦ ପାଇଁ ସ୍ୱାଭାବିକ ବିକଳ୍ପ ଅଟନ୍ତି। ସପ୍ତଦଶ ଲୋକସଭାରେ ସବୁଠୁ ଅଭିଜ୍ଞ ସାଂସଦ ହୋଇଥିବାରୁ ତାଙ୍କୁ କାର୍ଯ୍ୟକାରୀ ବାଚସ୍ପତି କରାଯାଇଛି।
ସେହିପରି ରାଧାମୋହନ ସିଂହ ୬ଥର ସାଂସଦ ଭାବେ ନିର୍ବାଚିତ ହୋଇଛନ୍ତି। ବିଜେପିରେ ରାଧାମୋହନଙ୍କ ନିଜସ୍ୱ ଦବଦବା ରହିଛି। ଜଣେ ଦଳିତ ନେତାର ଛବି ତାଙ୍କ ପକ୍ଷକୁ ଦୃଢ କରୁଛି। ଆଲୁୱାଲିଆ ବିଜେପି ନେତୃତ୍ୱାଧୀନ ଏନଡିଏ ସରକାରର ପୂର୍ବ କାର୍ଯ୍ୟକାଳରେ ସଂସଦୀୟ କାର୍ଯ୍ୟ ରାଷ୍ଟ୍ର ମନ୍ତ୍ରୀ ଥିଲେ। ଦକ୍ଷିଣ ଭାରତରେ ସଂଗଠନକୁ ଦୃଢ କରିବା ପାଇଁ ବିଜେପି ଆଲୁୱାଲିଆଙ୍କୁ ଏହି ପଦ ପାଇଁ ଚୟନ କରିପାରେ ବୋଲି ଆଲୋଚନା ହେଉଛି।
କୁହାଯାଉଛି ଏ ଥର ଲୋକସଭା ଉପବାଚସ୍ପତି ପଦ ଓଡ଼ିଶାର ବିଜୁ ଜନତା ଦଳ (ବିଜେଡି)କୁ ଦିଆଯାଇପାରେ। ଏହି ପଦ ପାଇଁ କଟକ ସାଂସଦ ଭତ୍ତୃହରି ମହତାବଙ୍କ ନାମ ବିଚାରକୁ ନିଆଯାଇଛି। ୨୦୧୭ରେ ମହତାବଙ୍କୁ ସର୍ବୋତ୍ତମ ସାଂସଦ ଭାବେ ପୁରସ୍କୃତ କରାଯାଇଥିଲା।

LEAVE A REPLY

Please enter your comment!
Please enter your name here